Gipuzkoako jatetxerik onenak: Elkano (Getaria)

GETARIA ELKANO Herrerieta, 2 | Tel. +34 943 14 00 24 Bere aitak, Pedro agurgarriak, sortu zuen erretegian, etxean sentitzen zara eta gozamenez entzuten duzu Aitor Arregi futbolari ohiaren ahotik sortzen den azalpen, anekdota eta aitorpen bakoitza. Badaki zertaz ari den, itsasoari aurrez aurre begiratzen baitio, bere lanbidea maite du, filosofoengana jotzen du, eta, are zailagoa oraindik, gai izan da lehendik ere legendario izan den negozio honen ospea areagotzeko: munduko erreboilorik onena zerbitzatzen duen etxea, Lourdesko urez errematatua. Arreta jartzen du, halaber, abakando goxoan, gustu eta testura desberdinak erakusten baititu gorputzean, pintzetan eta arraba gordin eta erreetan. Kokotxak hiru prestakinetan eta txipiroiak Pelaio erara ere agertzen dira bere errezeta liburuan.