El cabaret de los hombres perdidos ixtera doa. Bat-batean, korrikaldi batek kabaretean daudenen arreta bereganatuko du. Mutil bat korrika ihes egiten ari da: azkenean harrapatu eta kolpatu egiten dute. Hala ere, ihes egitea eta kabaretean sartzea lortuko du. Oraindik ez badaki ere, ihesak bizimodu berri batera eramango du.
Kabaretean Destino tatuatzailea eta Lullaby aurkituko ditu; zauriak sendatuko dizkiote, eta bere etorkizuna nolakoa izan daitekeen ere azalduko diote. Ihesi heldutako mutil gazteak abeslari izan nahi du, baina bestelako eskaintza bat jasoko du kabaretean. Hori da El cabaret de los hombres perdidos antzezlanaren abiapuntua.
Christian Simeónek eta Patrick Laviosak elkarrekin sortu eta Israel Reyesek zuzendutako musikal hau, Kanariar uharteen, Valentziaren eta Madrilen arteko koprodukzio bat da; talde artistikoaren helburua, gaurkotasuna jorratzea izan da, baina gaur egungo gizartean nagusi den errealitate distopikoa ardatz hartuta.
Zuzendaritza eta egokitzapena: Israel Reyes. Aktoreak: Cayetano Fernández, Leo Rivera, Supremme de Luxe, Armando Pita. Egileak: Christian Siméon, Patrick Laviosa. Musika konponketak: Germán G. Arias. Eszenografia: Juan Sebastián Domínguez. Argiak: Himar Santana. Koreografia: Verónica Mejías Villa. Abestien egokitzapena: Alicia Serrat. Zuzendari laguntzailea eta ahots coach-a: Florencia Aragón. Jantziak: Studio Ü. Ekoizpena: El cabaret de los hombres perdidos, AIE.
