Aranzadi Zientzia Elkarteko Astronomia saileko kide den Virginia García Penak aurkeztuko du Eklipseak liburua. Karmele Gorroñorenak dira ilustrazioak.

Eklipseen prozesu korapilatsuak hizkuntza erraz eta eskuragarrian aurkezten dira. Birtxi farozainaren eskutik, eklipseen sekretu guztiak familian deskubrituko dira: Zergatik gertatzen diren eta nola behatu.

Gainera, liburuak eguzki eklipseak ikusteko betaurrekoak dakartza. Aipagarriena 2026ko abuztuaren 12an penintsulatik ikusi ahal izango dugun eguzki-eklipse osoa izango da.