Lau Platinozko Disko eskuratu ditu Electro Latino generoaren Errege bilakatu den Juan Magan ekoizle, kantari eta Dj-ak. Enrique Iglesias, Gente de Zona eta Shakira bezalako nazioarteko izarrekin aritu da bakarkako ibilbide oparoa duen artistak. Dancehall, Rock eta reggaeton-a sartzen dira Juan Magan-en koktel-ontzian. 1995an hasi zen musika sortzen, baina 2008ra arte ez zuen nazioarteko ospea eskuratu. Orduan, milioika hasi ziren zenbatzen bere abestien salmentak. 'The King is Back' izenburuko disko berria Platinozko Disko bihurtu da dagoeneko, eta Grammy Latinorako laugarren izendapena eman dio.