Lorategi bat soinean erakusketarekin lotuta, uztailaren 19tik aurrera Jaime de los Ríos egilearen Lorategi ilustratu baten geometria sekretua instalazioa izango da ikusgai. Landare tapiz bat barne duen instalazioa izanik, elementu honen bilakaerak baldintzatuko du instalazioaren itxiera data, hemen eguneratzen joango garena.

Instalazio honek XVIII. mendeko lorategi bat birtualizatzen du, etengabeko mutazio kromatikoan dagoen landare-tapiz baten gainean. Proiektaturiko argiak ?parterre ilustratuen traza geometrikoan inspiratutako eredu arrazionaletan antolatua? kulturak espezie botaniko bakoitzari egozten dion geruza sinbolikoa erakusten du.Lorategi bat soinean erakusketako jantzietan bezala, kolore eta testura bakoitzak, landare-motibo bakoitzak kode bat erakusten du. Instalazioa behatzean esanahi-geruza horiek aktibatuko ditugu, zientifikoaren eta exotikoaren, neurritasun arrazionalaren eta ezezagunarekiko harriduraren artean daudenak.Lorategi ilustratu baten geometria sekretua, azken batean, memoria botanikoaren eta ehungintzaren argi-mapa bat da: zentzumen-topografia bat, non natura landua, moda eta proiekzio digitala elkar lotzen diren, lorategia ?erreala edo birtuala? denbora gainditzen duten istorio, desio eta sinboloz nola hornitzen dugun erakusteko.