 |
Jorge Valdanok dioenez, futbola da agian garrantzi gutxien dutenen artean gauzarik garrantzitsuena, eta baliteke arrazoi izatea hainbeste leku eta egoeratan agertzeko duen gaitasunari erreparatzen badiogu. Bere indarrak milioika pertsona erakartzen ditu mundu osoan, jokalekuen barruan eta kanpoan.
Erakusketa honek energia horretara hainbat ikuspegitatik hurbiltzea planteatzen du, hala nola futbolak inklusioari eta gizarte kohesioari ematen dion bultzada, mundu osoko ekintza proiektu askotatik abiatuta, bai instituzionalak, bai gizarte zibilekoak. Real Sociedad Fundazioaren beraren adibideak ez dira falta.
Erakusketak, halaber, futbolaren indar hori islatzen du, batzuetan sinesgaitza ere badena, hain leku harrigarrietan dauden zelaien kasuekin, hala nola plataforma flotatzaileetan, uhartetxo txikietan edo Kontxako hondartzan.
Ziur aski futbolaren indarraren adibiderik harrigarriena denarekin ixten da erakusketa: gerra batean su-eten txikiak sartzeko duen gaitasunarekin. Lehen eta Bigarren Mundu Gerrako partida izugarriak, edo Afrikako gatazka armatuengatik Pelé-ren Santos taldeak egindako bira, ziur asko, futbolaren esku bakarrik dauden atalak dira. O Rei.
Informazio gehiago: Korner Kultura & Futbol Festibala.
